1. விழிப்பு நிலை :- புருவ மத்தியில் – முப்பத்தைந்து கருவிகளுடன் உயிர் தொழிற்படுகின்றது.

2. கனவு நிலை :- கண்டத்தில் – இருபத்தைந்து கருவிகளுடன் உயிர் தொழிற்படுகின்றது.

3. ஆழ்ந்த உறக்க நிலை :- இருதயத்தானத்தில் – மூன்று கருவிகளுடன் தொழிற்படுகின்றது.

4. துரிய நிலை :- உந்தித் தானத்தில் – இரண்டு கருவிகளுடன் தொழிற்படுகின்றது.

5. துரியாதீத நிலை :- மூலாதாரத்தில் – உயிர் புருடனாகத் தனித்து நிற்கும் நிலை

• பஞ்சவஸ்தா: ஜாக்ரத் ஸ்வப்ந ஸுசுப்தி துரியதுரியாதீதா

– சுக்ல யசுர்வேதம், மண்டல ப்ராஹ்மண உபநிடதம்

• சாக்கிரம் முப்பத்தைந்து……………………..

………………………………………………… மூலத்தின் ஒன்றே

-மெய்கண்ட சாத்திரம் – சிவஞானசித்தியார் 223

•படைகொடு பவனி போதும்…………………….

………………………………அஞ்ச வத்தை உறுமுயிர் காவ லாக.

-மெய்கண்ட சாத்திரம் – சிவஞானசித்தியார் 222

*****எமது சைவ சமயிகள் நெற்றியில் விபூதி பூசுவதும், பொட்டு வைப்பதும் எதற்காக?****

நாம் விழித்திருக்கும்போது எமது உயிர் புருவ மத்தியில் நின்று தொழிற்படுகின்றது. நாம் நெற்றியில் விபூதி பூசுவதும், சந்தனம், குங்குமம் வைப்பதும் உயிரினுள் அதனுடன் என்றும் பிரியாது நின்று உறையும் இறைவனுக்கே.

• ஆமப்பா இரு விழியின் மத்தியில்தான்

அப்பனே மூக்கு நுனி அடிவாரத்தில்

நேமப்பா ஈசன் வீற்றிருக்கும் பீடம்

நிலையறிந்து கொண்டவர்க்கு நன்றாய்த் தோன்றும்

நாமப்பா கண்டல்லோ விபூதியோடு

நலமான சந்தனமும் பொட்டதாகத்

தாமப்பா குங்குமம் கஸ்தூரி இட்டு

தயவுபெறப் பூசிப்பது அறிந்து பாரே

– தன்வந்திரி ஞானசைதன்யம் 3/21

Reference –

ஆறுமுக நாவலர் சைவவினாவிடையும்

Dr. Lambotharan Ramanathan (MD)

அவர்களின் விளக்கக்குறிப்புகளும் (நூல்).