கர்மா எவ்வெவ் வழிகளில் நம்மை அடைகின்றது?

கர்ம_வினைப்பயன்:

நாம் ஈட்டிய கர்மா மூன்று வழிகளில் எம்மை வந்தடைந்து எமக்குப் பயன் தருகின்றது.

1. ஆதியான்மிகம்:

மற்ற மனிதர்கள், மற்ற உயிர்களினூடாக வருகின்ற இன்ப துன்பங்கள்.

தன்னால், பிறரால், தனக்கு வரும் தீங்கு நலம்

இன்னா விலங்கு, அரவம், தேள், எறும்பு- செல்.முதல் நீர்

அட்டை, அலவன், முதலை, மீன், அரவம் ஆதியினாம்

கட்டமும் இங்கு ஆன்மிகமே காண்.

– காழி மறைஞான தேசிகர் அருளிய

சிவதருமோத்தர ஆகம உரையில் உள்ள மேற்கோள் பாடல்.

2. ஆதி_பௌதிகம்:

காற்று, மழை, தீ, நிலம் போன்ற இயற்கையினால் வருகின்ற இன்ப துன்பங்கள்.

பனியால் இடியால் படர் வாடையி னாலும்

துனி தென்றலினால் சுகமும் – தனையனைய

நீரினாம் இன்பு இன்னலும் நெருப்பினாம் துயர் இன்பு

ஓரில் பவிதிகம் ஆகும்

– காழி மறைஞான தேசிகர் அருளிய

சிவதருமோத்தர ஆகம உரையில் உள்ள மேற்கோள் பாடல்.

3. ஆதி_தைவிகம்:

தெய்வத்தினால் வருகின்ற இன்ப துன்பங்கள்.

கருவில் துயர், செனிக்கும் காலைத் துயர், மெய்

திரை நரை மூப்பில் திளைத்துச் செத்து – நரகத்தில்

ஆழுந் துயர், புவியை ஆள் இன்பம் ஆதி யெலாம்

ஊழ் உதவும் தைவீகம் என்று ஓர்.

– காழி மறைஞான தேசிகர் அருளிய

சிவதருமோத்தர ஆகம உரையில் உள்ள மேற்கோள் பாடல்.

Book Reference –

ஆறுமுக நாவலர் சைவவினாவிடையும்

Dr. Lambotharan Ramanathan (MD) அவர்களின் விளக்கக்குறிப்புகளும் (நூல்).